«Хартыя-97» спыняе асвятляць спартыўныя спаборніцтвы ў Беларусі

• 19.03.2020, 22:00

Рэдакцыя пратэстуе супраць пастановы ўладаў праводзіць спаборніцтвы з гледачамі ў разгар эпідэміі.

Сусветная арганізацыя аховы здароўя (СААЗ) 11 сакавіка абвясціла выбліск каронавіруса новага тыпу пандэміяй. Рэдакцыя сайта Charter97.org у знак пратэсту супраць пастановы ўладаў Беларусі праводзіць спаборніцтвы спыняе асвятляць спартыўныя падзеі.

Сёння стартаваў футбольны чэмпіянат Беларусі. Уваход на стадыён на матчы «Энэргетык»-БДУ - БАТЭ для заўзятараў быў адкрыты.

Беларусь засталася адзінай краінай у Еўропе, дзе не спыненыя футбольныя і хакейныя чэмпіянаты. Акрамя таго, спаборніцтвы праходзяць з гледачамі, у якіх пры ўваходзе на стадыёны і арэны нават не вымяраюць тэмпературу.

Рэдакцыя заклікае спартыўныя федэрацыі Беларусі праявіць адказнасць і скасаваць спаборніцтвы ў перыяд пандэміі.