Праз два дні Міністэрства аховы здароўя апублікавала інфармацыю аб заражаных каранавірусам

• 16.03.2020, 12:46

У Беларусі выявілі дзевяць новых выпадкаў.

У Беларусі зарэгістравана 36 лабараторна пацверджаных выпадкаў РНК каранавіруса. Пра гэта 16 сакавіка паведамляе афіцыйны Telegram-канал Міністэрства здароўя Беларусі.

Яшчэ ў канцы мінулага тыдня было вядома пра 27 выпадкаў заражэння каранавірусам ў Беларусі.

Нагадаем, што ў шматлікіх краінах Еўропы ўведзеныя надзвычайныя захады і жорсткія абмежаванні ў сувязі з хуткім распаўсюджваннем каранавіруса.