Якім будзе надвор'е ў Беларусі ў чацвер

• 5.02.2020, 19:06

У краіну прыйшлі маразы.

Парывісты вецер і начныя замаразкі да мінус 10 градусаў чакаюцца ў Беларусі 6 лютага, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Міністэрства прыроды.

Уначы прагназуецца пераменная воблачнасць. Удзень будзе воблачна з праясненнямі. Уначы на паўночным захадзе краіны часам будзе ісці снег. Раніцай і ўдзень на большай частцы тэрыторыі рэспублікі выпадуць ападкі (снег, мокры снег, на захадзе - з дажджом). Месцамі чакаюцца слабыя мяцеліца і галалёд, на дарогах галалёдзіца. Вецер заходні, удзень з пераходам на паўночны 5-10 м/с, парывы да 14 м/с, удзень у асобных раёнах чакаюцца парывы 15-20 м/с.

Тэмпература паветра ўначы складзе ад мінус 1 да мінус 7 градусаў, на ўсходзе месцамі да 8-10 градусаў марозу. Удзень будзе ад мінус 1 да плюс 4.