З 1 сакавіка зноў даражэе аўтамабільнае паліва

• 29.02.2020, 18:13

А тым часам нафта рэкордна таннее.

З 1 сакавіка ў Беларусі раздробны кошты на дызельнае паліва і аўтамабільны бензін вырастуць на 1 капейку. Пра гэта паведамілі ў прэс-службе «Белнафтахіма».

З 1 сакавіка кошт 1 літра бензіну АІ-92-К5-Еўра складзе 1 рубель 73 капейкі, АІ-95-К5-Еўра - 1 рубель 83 капейкі, АІ-98-К5-Еўра - 2 рублі 5 капеек, ДТ - 1 рубель 83 капейкі.

Нагадаем, на фоне эпідэміі каронавіруса ў свеце нафта таннее рэкорднымі тэмпамі. На момант публікацыі за 1 барэль нафты Brent давалі $50,20.