Даляр прадаўжае біць рэкорды

• 26.02.2020, 15:34

Нацбанк устанавіў новыя курсы валют.

26 лютага на Беларускай валютна-фондавай біржы прайшлі чарговыя таргі. Пасля іх Нацбанк устанавіў новыя курсы валют, паведамляе «Еўрарадыё».

Курс даляра ЗША зноў павялічыўся - з 2,2268 да 2,2378 беларускага рубля. Курс еўра таксама вырас - з 2,4176 да 2,4334 беларускага рубля. Затое патаннела расейская валюта: за 100 расейскіх рублёў сёння даюць 3,4137 беларускага (у аўторак - 3,4241).

Курс беларускага рубля ў дачыненні да кошыка валют аслабеў на 0,14%.