Арына Сабаленка выйшла ў 1/8 турніру ў Досе

• 25.02.2020, 16:56

Беларуская тэнісістка зламала супраціўленне Анэт Кантавейт.

Першая ракетка Беларусі Арына Сабаленка з перамогі стартавала на турніры ў Досе. У 1/16 фіналу яна ў трох партыях падолела эстонку Анэт Кантавейт (22) - 7:5, 2:6, 7:5. Матч доўжыўся 2 гадзіны 13 хвілін, піша "Прессбол".

А.Сабаленка (Беларусь) - А.Кантавейт (Эстонія) - 7:5, 2:6, 7:5

У наступнай стадыі Сабаленка згуляе з пераможцамі двубою Марыяй Сакары (Грэцыя, 20) - Тэрэзай Марцінцавай (Чэхія, 157).