Фотафакт: у Італіі праз каранавірус апусцелі паліцы ў крамах

• 25.02.2020, 11:56

У той жа час, у некаторых гарадах апусцелі вуліцы.

У Італіі праз каранавірус людзі спустошылі паліцы крам. Праз паніку італійцы раскупляюць усё. На паліцах крамаў засталіся толькі адзінкавыя тавары, піша «УНІАН» са спасылкай на Reuters.

У той жа час, у некаторых гарадах апусцелі вуліцы. Людзі імкнуцца не выходзіць лішні раз з дамоў.

Нагадаем, у Італіі праз каранавірус памерла ўжо 7 чалавек. Цяпер Італія займае трэцяе месца ў свеце паводле колькасці выяўленых выпадкаў інфікавання новым каранавірусам пасля Кітая і Паўднёвай Карэі.

У сувязі з успышкай захворвання ў Італіі касуюць масавыя мерапрыемствы, у тым ліку і знакаміты карнавал. Праз распаўсюджванне каранавіруса ў Мілане на тыдзень закрытыя школы, тэатры, кінатэатры, бары і начныя клубы. Таксама закрыты для наведвання мясцовыя славутасці, кафедральны сабор Мілана, оперны тэатр «Ла Скала», мастацкая галерэя «Брэра».