Беларускія баскетбалісты падолелі партугальцаў

• 24.02.2020, 21:47

Гэта другая перамога беларусаў у адборы на чэмпіянат свету 2023 года.

Нацыянальная каманда Беларусі ў баскетболе падолела каманду Партугаліі - 72:56 (19:18, 15:11, 19:18, 19: 9). Гэта іх другая перамога ў адборы на чэмпіянат свету 2023 года. Матч прайшоў у панядзелак у менскім Палацы спорту. Найбольш выніковым у беларускай камандзе стаў Максім Салаш - 19 балаў, паведамляе euroradio.fm.

У першым паядынку беларусы ў гасцях разграмілі каманду Кіпра - 97:41. Наша каманда мае 4 балы і лідзіруе ў групе, Партугалія і Албанія маюць па 3 балы, Кіпр - 2. Наступны матч каманда Беларусі правядзе 26 лістапада дома з Албаніяй.