Відэафакт: Войска ЗША заступіла шлях расейскім вайскоўцам у Сірыі

• 22.02.2020, 15:09

Інцыдэнт адбыўся ў правінцыі Хасеке.

Падраздзяленні Узброеных сілаў ЗША заступілі шлях расейскаму ваеннаму канвою ў кірунку населенага пункта Амуда ў сірыйскай правінцыі Хасеке. Відэа інцыдэнту публікуе Telegram-канал «Ваенны аглядальнік».

На кадрах відаць, як амерыканскія вайскоўцы блакуюць пад'язныя дарогі да трасы М4 у зоне канфлікту.

У пачатку лютага спецпрадстаўнік у Сірыі і сувязях з міжнароднай кааліцыяй Джэймс Джэфры апавёў пра сутыкненні з расейскімі прыватнымі ваеннымі кампаніямі. Прадстаўнік Вашынгтона заявіў, што на паўночным усходзе Сірыі сталі часцей адбывацца інцыдэнты з удзелам амерыканскіх вайскоўцаў і супрацоўнікаў расейскіх ПВК. Ён асабліва адзначыў сутыкненні на аўтамагістралях, у тым ліку на курдскіх тэрыторыях.