Домрачава: Калі нам з мужам сур'ёзна патрэніравацца, то цяперашнюю зборную Кітая мы абгонім
- 22.02.2020, 10:30
Чатырохкратная алімпійская чэмпіёнка ў біятлоне падзялілася сваімі назіраннямі за выхаванцамі.
Чатырохкратная алімпійская чэмпіёнка ў біятлоне, старшая трэнерка жаночай зборнай Кітая Дар'я Домрачава выказала здагадку, што пасля адпаведнай трэніроўкі яны з Оле-Эйнарам Б’ерндаленам змаглі б абагнаць сваіх кітайскіх выхаванцаў.
Гутарка са спартоўкай апублікаваная на matchtv.ru.
– Усведамляеце, што вы адзіная каманда ў свеце, дзе трэнеры выступяць лепш за спартоўцаў, калі раптам такое стане магчымым?
– Смешнае пытанне. Калі сур'ёзна патрэніравацца, напэўна, здолеем абагнаць выхаванцаў, але ўсе сілы трацім якраз на тое, каб яны беглі хутчэй за нас. Увогуле наўпрост не змагаліся, за кантрольнымі трэніроўкамі назіраем з боку, каб заўважыць усе нюансы.