Зяленскі: Нябесная сотня - гэта героі, яны не далі раскалоць Украіну

• 20.02.2020, 21:04

Прэзідэнт Украіны паабяцаў, што справы Майдана будуць поўнасцю завершаныя.

Прэзідэнт Украіны Уладзімір Зяленскі назваў герояў Нябеснай сотні людзьмі, якія абаранілі незалежнасць краіны і не далі яе раскалоць. Пра гэта ён заявіў на сустрэчы са сваякамі загінулых 20 лютага 2014 года, паведамляе liga.net.

Зяленскі паабяцаў, што справы Майдана будуць поўнасцю завершаныя і назваў гэта галоўнай задачай улады.

На пытанне бацькі аднаго з загінулых, Уладзіслава Зубенкі, Зяленскі сказаў: «Для мяне героі Нябеснай сотні - гэта людзі, якія баранілі і абаранілі незалежнасць нашай краіны. Абаранілі, нягледзячы на тое, што ў нас пачалася вайна. Гэтыя людзі не далі магчымасці раскалоць краіну. Гэта наша ядро, гэта галоўнае, што ў нас ёсць. Таму я думаю, што яны героі».

У адказ на скаргі сваякоў загінулых пра тое, што яны ўжо шэсць гадоў чакаюць вынікаў расследавання і пакарання вінаватых, генпракурор Руслан Рабашапка адзначыў, што паводле спраў Майдана ўжо асуджана 44 чалавекі. На гэты момант да адказнасці прыцягваецца 450 чалавек. Рабашапка падкрэсліў, што ўсе рэчавыя довады захаваныя і будуць выкарыстаныя ў судзе.

Дырэктарка ГБР Ірына Венедыктава распавяла, што неўзабаве будзе аб'яўлены конкурс, на якім будзе абраны кіраўнік упраўлення спраў Майдана. З ейных слоў, сем'і герояў Нябеснай сотні змогуць накіраваць свайго прадстаўніка для кантролю яго правядзення.