Беларус сабраў самаробны аўтамабіль у стылі Mad Max і паехаў катацца

• 19.02.2020, 19:11

З кабіны яго даставалі выратавальнікі.

Гэтая аварыя адбылася сёння ўначы недалёка ад Лунінца. 30-гадовы жыхар аграгарадка Любачын наважыў пракаціцца на сваім аўтамабілі, які змайстраваў самастойна. Паведамляецца, што мужчына не справіўся з кіраваннем, з'ехаў у кювет, у выніку чаго машына перакулілася, паведамляе «Онлайнер».

Работнікі МНС пры дапамозе лябёдкі аўтацыстэрны нахілілі аўтамабіль і выратавалі кіроўцу, які з траўмамі рознай ступені цяжкасці быў шпіталізаваны. Устаноўлена, што мужчына ніколі не меў пасведчання кіроўцы.