Відэафакт: Самалёт Air Canada сеў у аэрапорце Таронта без кола
- 19.02.2020, 9:38
На борце знаходзіліся 120 пасажыраў і пяць чальцоў экіпажа.
Самалёт авіякампаніі Air Canada, які выконваў рэйс з Нью-Ёрка ў Таронта, страціў кола стойкі шасі падчас узлёту.
Пра гэта паведамляе CTV News са спасылкай на прадстаўніка перавозніка.
У авіякампаніі апавялі, што пілот абвесціў надзвычайную сітуацыю, каб у лайнера быў прыярытэт для пасадкі ў Таронта.
У самалёце знаходзіліся 120 пасажыраў і пяць чальцоў экіпажа.
Аварыйныя брыгады вывучылі пашкоджанні, аднак авіякампанія не ўдакладніла, ці атрымалася паправіць непаладкі.