Пуцін звольніў Суркова з пасады свайго памочніка
- 18.02.2020, 19:49
Суркоў быў галоўным куратарам «украінскага пытання».
Прэзідэнт Расеі Уладзімір Пуцін вызваліў Уладзіслава Суркова ад пасады свайго памочніка.
Адпаведны ўказ апублікаваны на сайце Крамля.
Дакумент уваходзіць у дзеянне з дня падпісання.
У апошнія гады Уладзіслаў Суркоў займаўся украінскім напрамкам, курыраваў Данбас. У яго сферы адказнасці таксама былі Паўднёвая Асеція і Абхазія. У Абхазіі, нагадаем, у пачатку года адбыўся палітычны крызіс, у выніку якога пасаду прэзідэнта пакінуў Рауль Хаджымба.