Суд у Нідэрландах абавязаў Расею выплаціць акцыянерам «ЮКАСа» $50 мільярдаў

• 18.02.2020, 12:44

Так званая нацыяналізацыя прадпрыемства была прызнаная незаконнай.

Апеляцыйны суд у Нідэрландах вынес пастанову, у адпаведнасці з якой былым акцыянерам нафтавай кампаніі ЮКАС павінна быць выплачана кампенсацыя $50 млрд, паведамляе РБК са спасылкай на Reuters.

Суд ануляваў пастанову акруговага суда Гаагі, якой той ў 2016 годзе скасаваў пастанову гаажскага міжнароднага арбітражу, які абавязаў Расею выплаціць былым мажарытарным акцыянерам ЮКАСа $50 млрд кампенсацыі за меркаваную экспрапрыяцыю нафтавай кампаніі.

Пастанова апеляцыйнага суда можа быць абскарджана ў Вярхоўным судзе Нідэрландаў.