Заводы «Белшына» спыняюць працу

• 17.02.2020, 12:35

Работнікаў пераводзяць на 2/3 тарыфу.

«Белшына спыняе працу да 1 сакавіка згодна з зацверджаным планам вытворчасці на люты. Рабочых прымушаюць пісаць заявы на 2/3 і сядзець дома», - пішуць onliner.by работнікі прадпрыемства і прымацоўваюць скан загаду. З 17 лютага прадпрыемства спыняе тры сваіх заводы для вытворчасці шын. Два з іх - да 21 лютага, а яшчэ адзін (СГКШ) - як мінімум да 1 сакавіка.

Разам з тым рабочых пераводзяць на 2/3 тарыфу. Аплату работнікам рамонтнай і рамонтна-дзяжурных службаў заводаў і цэнтралізаваных падраздзяленняў, якія абслугоўваюць гэтыя заводы, а таксама работнікам, якія выконваюць сваю асноўную працу падчас прастою, будуць ацэньваць згодна з выкананым аб'ёмам у адпаведнасці з дзейным Палажэннем аб аплаце і прэміі.

«Белшына» - адно з горадаўтваральных прадпрыемстваў Бабруйска. На прадпрыемстве працуе больш за 9,5 тысяч чалавек.