Святлана Алексіевіч: Беларусь вынесла нуль урокаў пасля Чарнобыльскай аварыі

• 15.02.2020, 19:05

Нобелеўская лаўрэатка выступіла на з'ездзе Руху супраць Астравецкай АЭС.

Падчас пасяджэння Руху супраць БелАЭС з дапамогай тэлефоннай сувязі выступіла Нобелеўская лаўрэатка, пісьменніца Святлана Алексіевіч. Яна сказала, што Беларусь вынесла нуль урокаў пасля Чарнобыльскай аварыі.

«Цяпер ужо ясна, што расце пакаленне Грэты, якое задае пытанне: якую планету вы нам пакінеце? Яны напэўна зробяць больш, чым мы», - сказала Алексіевіч.

Пісьменніца лічыць, што аказаць ціск на Крэмль і ўлады Беларусі можна толькі пры дапамозе Заходніх краін.

«Яшчэ адзін важны момант - усведамленне пагрозы з боку нашых людзей», - цытуе Святлану Алексіевіч novayagazeta.ee.