У нядзелю ў Беларусі будзе да +9

• 15.02.2020, 19:00

Месцамі пройдзе кароткачасовы мокры снег.

16 лютага ў Беларусі чакаецца воблачнае з праясненнямі надвор'е. У асобных раёнах на поўначы краіны магчымы невялікія кароткачасовыя ападкі: мокры снег, які будзе пераходзіць у дождж, паведамляе euroradio.fm.

Уначы і раніцай месцамі слабы туман і галалёд, на дарогах галалёдзіца. Вецер паўднёва-заходні ўмераны, удзень парывісты. У асобных раёнах можа быць моцны і парывісты. Тэмпература паветра мінімальная ўначы ад -3 да + 2°С, максімальная ўдзень ад +2 да +9°С.