Памерла народная артыстка Беларусі Бэла Масумян

• 8.12.2020, 20:07

Бэлу Масумян называюць легендай беларускага тэатра.

8 снежня на 84-м годзе жыцця памерла народная акторка Беларусі Бэла Масумян. Пра гэта паведамляе Нацыянальны акадэмічны драматычны тэатр імя Максіма Горкага.

Масумян называюць легендай беларускага тэатра. Яна скончыла Беларускі дзяржаўны тэатральна-мастацкі інстытут і з 1961-га працавала ў тэатры імя Горкага. Была ўдастоеная шматлікіх узнагарод, званняў, прэмій.