BE RU EN

У Растове-на-Доне бушуе маштабны пажар

  • 6.12.2020, 10:33

Першым загарэўся павільён з піратэхнікай.

На рынку «Класік» у расейскім Растове-на-Доне загарэўся павільён з піратэхнікай. Пажар у двухпавярховым будынку пачаўся а 6:30 раніцы, спачатку на плошчы 200 квадратных метраў, але затым полымя стала хутка распаўсюджвацца, паведамляе ВВС.

Плошча пажару на 8 гадзін раніцы паводле маскоўскага часу склала 2,5 тысячы квадратных метраў, паведаміў журналістам прадстаўнік ГУМНС Расеі Растоўскай вобласці. Да 09:00 плошча ўзгарання вырасла да 3 тысяч кв. метраў.

Пажару прысвоены падвышаны, чацвёрты (з пяці) ранг складанасці. Да тушэння прыцягнуты 144 чалавекі і 44 адзінкі тэхнікі, паведамляе МНС.

Пра пацярпелых інфармацыі пакуль няма.

Апошнія навіны