«Я выходжу»: выйшаў дакументальны фільм пра пратэсты ў Менску

• 5.12.2020, 21:32

Апошнія словы Рамана Бандарэнкі сталі сапраўдным лозунгам пратэстаў.

Беларускія дакументалісты Дар'я Дзямура, Максім Швед і Кацярына Ігнашэвіч знялі дакументальны фільм пра пратэсты ў Беларусі, паведамляе «Радыё Свабода».

«Я выходжу» - гэта астатнія словы маладога менчука Рамана Бандарэнкі ў тэлеграм-суполцы перад тым, як ён выйшаў на двор, каб спыніць невядомых людзей у цывільным адзенні, якія зразалі бел-чырвона-белыя стужкі на «Плошчы перамен» у Менску.

Бандарэнка быў збіты і вывезены невядомымі, затым дастаўлены ў шпіталь і там памёр. На пахаванне Бандарэнкі ў Менску прыйшлі тысячы людзей, словы «Я выходжу» сталі лозунгам пратэстаў.