Навукоўцы прыдумалі, як зрабіць звычайны хлеб сапраўдным суперпрадуктам

• 2.12.2020, 15:57

Сакрэт палягае ў дадаванні аднаго ферменту.

Асаблівы тып хлеба здольны на некаторы час палепшыць працу сасудзістай сістэмы. Эфект быў параўнальны з ужываннем чарніц. Адпаведныя вынікі атрымалі супрацоўнікі Універсітэта Рэдынга і Сельскагаспадарчага навукова-даследчага інстытута Rothamsted Research. Сакрэт палягае ў дадатку ў хлеб. Гэта фермент, які звычайна выкарыстоўваецца ў вытворчасці напояў і павышае ўзровень змяшчэння ферулавай кіслаты больш чым у пяць разоў, піша healthinfo.ua.

Феулавая кіслата паляпшае кровазварот. Такія злучэнні можна знайсці ў какава, зялёнай гарбаце і чырвоным віне. Са слоў навукоўцаў, гэта даволі спецыфічныя прадукты, якія прысутнічаюць у рацыёне не ўсіх людзей. Таму магчымасць палепшыць склад звычайных прадуктаў накшталт хлеба выглядае вельмі абнадзейлівай.

Для ўдзелу ў клінічным выпрабаванні былі адабраныя дзявятнаццаць здаровых маладых людзей, якіх выпадковым чынам размеркавалі па групах. Адна група атрымлівала ўзбагачаны ферментам хлеб. Менавіта ўдзельнікі з гэтай групы мелі больш высокі ўзровень ферулавай кіслаты ў целе і значнае кароткачасовае ўзмацненне кровазвароту.