Лукашысты занепакоіліся выцечкай мазгоў

• 2.12.2020, 14:01

Будзе змененае заканадаўства аб міграцыі.

У Беларусі будуць працаваць над прадухіленнем «выцечкі мазгоў», заявіў прэм'ер-міністр Раман Галоўчанка сёння ў «палаце прадстаўнікоў», прапануючы праграму дзейнасці ўрада, паведамляе БелТА.

«Прадугледжваецца комплекснае карэктаванне заканадаўства аб міграцыі. Значныя намаганні будуць накіраваныя на скарачэнне адтоку насельніцтва, перш за ўсё моладзі, надання знешняй міграцыі зваротнага характару, прадухілення так званай выцечкі мазгоў», – сказаў Раман Галоўчанка.