Падсілкоўванне электрамабіляў у Беларусі стане платным
- 15.12.2020, 23:18
Падсілкоўванне стане платным з 1 студзеня.
Падсілкоўванне электрамабіляў на ўсіх станцыях Malanka з 1 студзеня будзе платным, паведамляе nn.by.
Кошт 1 кВт на станцыях пастаяннага току (хуткія) складзе 39 капеек, на станцыях пераменнага току (павольныя) - 29 капеек. Аплаціць сілкаванне можна будзе з дапамогай мабільнага дадатку Malanka, якое ў тэставым рэжыме ўжо працуе некалькі месяцаў.
Падсілкоўванне электрамабіляў у Беларусі было бясплатным з 2014 года, з моманту з'яўлення першых станцый падсілкоўвання.