Егіпецкі вынаходнік стварыў робата, які можа тэставаць на COVID-19

• 1.12.2020, 19:29

Робат таксама можа вымяраць тэмпературу пацыентаў.

Егіпецкі інжынер Махмуд эль-Комі распрацаваў робата, які можа дапамагчы медыкам падчас другой хвалі пандэміі каранавіруса. Робат на дыстанцыйным кіраванні можа тэставаць пацыентаў на COVID-19, а таксама памераюць іх тэмпературу, паведамляе «Новое время».

Робат атрымаў назву Cira-03. Са слоў вынаходніка, ён можа абмежаваць распаўсюджванне каранавіруса ў клініках. Робат з чалавечым тварам і галавой, рабатызаванымі рукамі можа браць аналізы крыві, рабіць эхакардыаграмы і рэнтгенаўскія здымкі і адлюстроўваць вынікі пацыентам на экране, прымацаваным да грудзей.

Эль-Комі прызнаўся, што імкнуўся зрабіць свайго робата максімальна падобным да чалавека, каб пацыенты яго не баяліся. Робат ужо праходзіць тэставанне ў адной з прыватных клінік Егіпта. Тут ён выкарыстоўваецца для вымярэння тэмпературы любога чалавека з падазрэннем на COVID-19.