У Ерэване дэманстранты перацялі цэнтральныя вуліцы
- 1.12.2020, 18:37
Дэманстранты патрабуюць адстаўкі прэм'ера.
У сталіцы Арменіі пратэстоўцы супраць прэм'ер-міністра краіны Нікола Пашыняна перацялі цэнтральныя вуліцы і патрабуюць ягонай адстаўкі. Пра гэта паведамляе News.am.
Акцыя пратэсту пачалася ўвечары 1 снежня ў цэнтры Ерэвана. Пратэстоўцы перацінаюць цэнтральныя вуліцы, у тым ліку цэнтральны праспект Маштоца. Выданне паведамляе, што некалькі дэманстрантаў спынілі тралейбус, узлезлі на яго, падпалілі піратэхнічныя фаер і разгарнулі сцяг Арменіі.
Пратэсты ў Арменіі пачаліся пасля падпісання Пашынянам, прэзідэнтам Азербайджана Ільхамам Аліевым і прэзідэнтам Расеі Уладзімірам Пуціным пагаднення аб спыненні ваенных дзеянняў у Нагорным Карабаху. Дакумент прадугледжвае перадачу пад кантроль Азербайджана часткі тэрыторый Карабаху.
Апазіцыйныя партыі патрабуюць адстаўкі Пашыняна, абвінавачваючы яго ў капітуляцыі.