У Інданэзіі пачалося вывяржэнне вулкана

• 29.11.2020, 17:33

Над краінай часткова забаранілі палёты.

У нядзелю, 29 лістапада, адбылося вывяржэнне вулкана Леватола ў Інданэзіі, ён выкінуў у паветра чатырохкіламетровы слуп дыму і попелу. Пра гэта паведамляе RTL.

Вывяржэнне не прычыніла ніякіх пашкоджанняў, пра ахвяры не паведамляецца. Аднак улады Інданэзіі заклікалі грамадзян, якія пражываюць у радыусе чатырох кіламетраў ад вулкана, пакінуць рэгіён, а таксама закрылі аэрапорт і забаранілі палёты.

Відэа вывяржэння апублікаваў у Twitter Disclose.tv.

У Інданэзіі размешчаныя блізу 130 дзейных вулканаў. 10 жніўня ў Інданэзіі зафіксавалі вывяржэнне вулкана Сінабун.