У Сінгапуры нарадзілася дзіця з антыцеламі да каранавіруса

• 29.11.2020, 14:39

Яго маці перахварэла COVID-19 падчас цяжарнасці.

У Сінгапуры жанчына нарадзіла хлопчыка, у якога лекары знайшлі антыцелы да каранавіруса, які выклікае COVID-19. Пра гэта піша The Insider.

31-гадовая Селін Нг-Чан заразілася каранавірусам падчас цяжарнасці, ёй паставілі дыягназ на дзясятым тыдні. Лекары мяркуюць, што дзіця атрымала ад маці антыцелы, пры гэтым яе ўласныя антыцелы да віруса зніклі.

На думку лекараў, у хлопчыка цяпер ёсць імунітэт да каранавіруснай інфекцыі.

Раней кітайскія лекары паведамлялі аб антыцелах да COVID-19 у нованароджаных дзяцей. Яны назіралі за шасцю парадзіхамі, захварэлымі на каранавірус. Аналізы ўсіх нованароджаных паказалі наяўнасць антыцелаў.