Названыя тры эфектыўныя рэчывы для ўмацавання імунітэту

• 27.11.2020, 19:57

Для барацьбы з інфекцыямі, у тым ліку з каранавірусам, арганізму патрэбныя пэўныя вітаміны.

Для ўмацавання імунітэту найбольш эфектыўным з'яўляюцца вітаміны С і D, а таксама цынк. Пра гэта распавяла дацэнт кафедры Дыеталогіі і харчавання Універсітэта Фларыды Крысціна Паласіёс, паведамляе korrespondent.net.

Так, вітамін С жыццёва важны для лейкацытаў, якія дапамагаюць змагацца з інфекцыямі. У зімовы перыяд, калі асабліва востра стаіць пытанне абароны арганізма ад вірусаў, Паласіёс рэкамендавала ўжываць апельсіны, грэйпфруты, трускаўку, памідоры і журавіны, багатыя вітамінам С.

Нізкі ўзровень вітаміну D звязаны з падвышанай рызыкай развіцця рэспіраторных захворванняў у дарослых і дзяцей, таму спецыялістка параіла прымаць адпаведную дабаўку, удакладніўшы дазіроўку ў лекара.

Вырашальнае значэнне для нармальнага развіцця і функцыянавання клетак, якія ўплываюць на функцыянаванне імуннай сістэмы, мае цынк. Паласіёс падкрэсліла, што падвышаная канцэнтрацыя цынку ў арганізме можа душыць рэплікацыю вірусаў.