«Прыйшлі пяць чалавек у масках»: у мікрараёне Ржавец падпалілі кабінет старшыні таварыства ўласнікаў

• 27.11.2020, 10:41

Улады разглядаюць менскі раён як «нядобранадзейны».

Сёння ўночы ў памяшканні старшыні таварыства ўласнікаў дома на Пераможцаў, 127 здарыўся пажар. Пасля гэтага ў чаце дому з'явілася інфармацыя аб тым, што пяцёра невядомых узламалі дзверы і наладзілі падпал. У МНС Onliner пацвердзілі інфармацыю аб НЗ і заявілі, што магчымая прычына пажару - падпал.

У МУС пакуль абмежаваліся кароткай заявай: праводзіцца праверка. Мясцовыя жыхары зараз актыўна абмяркоўваюць тое, што здарылася і не разумеюць, як такое магло адбыцца, бо іх двор з нядаўняга часу знаходзіцца ў ліку «нядобранадзейных» раёнаў і актыўна патрулюецца сілавікамі. «Мяркуючы з усяго, мэтанакіравана падпальвалі. Унутры ўсё выгарала ў нуль. Зараз там голыя сцены замест утульнага кабінета», - напісаў мясцовы жыхар.