У Гомелі і Рэчыцы знік інтэрнэт А1
- 25.11.2020, 21:22
У карыстальнікаў МТС таксама праблемы.
Жыхары Гомеля і вобласці паведамляюць, што ў іх знік хатні інтэрнэт і тэлевізія, дрэнна працуе мабільная сувязь. Збоі пачаліся а 20 гадзіне, паведамляе gomel.today.
Сітуацыю патлумачыла кампанія А1.
- Цяпер з тэхнічных прычын часова недаступныя паслугі інтэрнэту і тэлевізіі Гомеля і Рэчыцы. Нашы спецыялісты ўжо працуюць над выпраўленнем сітуацыі. Прыносім прабачэнні за часовыя нязручнасці.
У той жа час на праблемы з інтэрнэтам скардзяцца і карыстальнікі МТС. «Мабільнаму МТС нешта таксама дрэнна», - пішуць гамельчукі.