Спявачка IOWA выставіла на аўкцыён карціну, каб дапамагчы пацярпелым ад рэжыму беларусам

• 25.11.2020, 20:05

Кацярына Іванчыкава падтрымлівае беларусаў з пачатку пратэстаў.

Салістка гурту IOWA Кацярына Іванчыкава выстаўляе на аўкцыён сваю ўнікальную карціну ў падтрымку беларускага народа і дзеячоў культуры, якія пацярпелі ад рэпрэсій:

«Я намалявала гэтую птушку... нават, напэўна, гэта я. Гэтая карціна нагадвае мне Васняцова: яго карціну Сірын і Алканост. Песня радасці і смутку.

Для мяне гэта нешта чароўнае. Птушка - яна спявае. У яе ёсць голас, упэўненасць. І па яе настрою, яе паставе я адчуваю, што гэтая птушка шукае баланс. І яна на правільным шляху», - кажа Кацярына.