САЗ зафіксавала новы рэкорд захворвання каранавірусам за тыдзень

• 25.11.2020, 12:47

За перыяд з 16 да 23 лістапада COVID-19 дыягнаставалі амаль у чатырох мільёнаў чалавек.

Як стала вядома сайту Charter97.org са справаздачы Сусветнай арганізацыі здароўя, зафіксаваны новы рэкорд колькасці выяўленых выпадкаў заражэння каранавірусам за тыдзень у свеце.

Толькі за перыяд з 16 да 23 лістапада ў свеце каранавірус дыягнаставалі амаль у чатырох мільёнаў чалавек.

Акрамя таго, за тыдзень памерлі 67 тысяч пацыентаў з COVID-19. На мінулым тыдні фіксавалі 60 тысяч смяротных выпадкаў.

Усяго ў свеце каранавірусам заразіліся 58,9 мільёнаў чалавек, памерлі амаль 1,4 мільёна.