Вярхоўны суд Невады зацвердзіў перамогу Байдэна на выбарах у штаце

• 24.11.2020, 21:27

Раней Байдэна афіцыйна прызналі пераможцам выбараў у Пенсільваніі.

Вярхоўны суд Невады зацвердзіў перамогу дэмакрата Джо Байдэна на выбарах у штаце, паведамляе Associated Press.

Байдэн афіцыйна атрымае шэсць галасоў выбарцаў штата, што раней спрабаваў аспрэчыць штаб дзейнага прэзідэнта ЗША Дональда Трампа. Паводле апошніх звестак, за Байдэна ў штаце прагаласавалі 50,06% выбарцаў, за Трампа - 47,67%.

Пастанову суда перададуць на подпіс губернатару штата Стыву Сісолаку.

13 лістапада ў ЗША скончылі падлік галасоў ва ўсіх штатах. Пераможцам прэзідэнцкіх выбараў стаў кандыдат ад Дэмакратычнай партыі Джо Байдэн - ён атрымаў 306 галасоў выбарцаў пры 270 неабходных. У Дональда Трампа - 232 галасы.