Тэлеканал «Дождь»: Лукашэнка апантаны д'яблам

• 24.11.2020, 8:40

Праваслаўны арцыбіскуп распавёў расейскаму каналу, чаму узурпатара аддалі анафеме.

Лукашэнка аддалі анафеме. Ён апантаны д'яблам. Пра гэта абвясціла Беларуская аўтакефальная праваслаўная царква, гаворыцца ў новым сюжэце расейскага тэлеканалу «Дождь».

Пастанову прынялі ў канадскім горадзе Таронта арцыбіскупам Святаславам Логіным падчас набажэнства. У тэксце гаворыцца, што беларускі правадыр чыніць беззаконне, пераследуе і забівае праваслаўных і іншых жыхароў. Ён і яго хаўруснікі чыняць «крывавыя расправы» над мірным насельніцтвам у «шматпакутнай Беларусі», адзначаецца там жа. Самога Лукашэнкі Логін называе «былым прэзідэнтам», «катам», «самазванцам».

Падрабязнасці расейскія журналісты даведаліся ў самога арцыбіскупа Святаслава Логіна.