Вакцыну ад краснухі прызналі эфектыўнай пры цяжкай форме каранавіруса

• 22.11.2020, 18:42

Да такой высновы прыйшлі навукоўцы ўніверсітэта амерыканскага штата Джорджыя.

Вакцына ад адру, краснухі і паратыту (прэпарат MMR) эфектыўна зніжае рызыку цяжкага цячэння каранавіруснай інфекцыі. Да такой высновы прыйшлі навукоўцы ўніверсітэта штата Джорджыя (ЗША), паведамляе Амерыканская супольнасць мікрабіялогіі (ASM) (пераклад - lenta.ua).

У даследаванні ўзялі ўдзел 80 пацыентаў, якія заразіліся COVID-19. Са слоў прафесара ўніверсітэта Дэвіда Харлі, навукоўцам атрымалася раскрыць зваротную залежнасць паміж узроўнем антыцелаў да віруса паратыту і вострыя праявы каранавіруса.

Чым больш у арганізме пацыента было антыцелаў да віруса паратыту, тым менш выяўленымі былі сімптомы COVID-19, адзначыў ён.

Адзін з аўтараў даследавання Джэфры Голд заявіў, што выяўленая заканамернасць, магчыма, тлумачыць рэдкія выпадкі захворвання COVID-19 у цяжкай форме ў дзяцей і падлеткаў, бо ў ЗША і краінах Еўропы дзеці двойчы атрымліваюць вакцыну MMR.