Яўген Касцюкевіч - гульцам нацыянальнай каманды Беларусі: Ну што, зборнічкі, падтрымаеце Драгуна?

• 8.10.2020, 11:34

Беларускі футбаліст заклікаў да салідарнасці.

Былы брамнік ФК «Крумкачы» Яўген Касцюкевіч задаў пытанне гульцам нацыянальнай каманды Беларусі напярэдадні сённяшняга матчу з Грузіяй у рамках паўфіналу плей-оф кваліфікацыі Еўра-2020 піша «Трыбуна».

«Ну што, зборнічкі, падтрымайце аднаго з лідараў каманды Станіслава Драгуна? Ці як звычайна ракам станеце?» - напісаў Касцюкевіч.

Нагадаем, Станіслаў Драгун не выкліканы ў нацыянальную каманду Беларусі. Са слоў галоўнага трэнера нацыянальнай каманды Міхаіла Мархеля, гэта звязана з наяўнасцю каранавіруса ў футбаліста. Аднак гулец бярэ ўдзел у трэніровачных занятках у агульнай групе БАТЭ, без абмежаванняў.

Раней паведамлялася, што нявыклік Драгуна ў нацыянальную каманду Беларусі звязаны з ягонай палітычнай пазіцыяй.