У Менску прайшоў Марш пенсіянераў
- 5.10.2020, 15:34
Удзельнікі акцыі патрабавалі сумленных выбараў.
Сёння сотні пенсіянераў прайшлі Маршам вуліцамі Менска. Рух яны пачалі ад плошчы Незалежнасці.
Удзельнікі Маршу скандавалі «Сумленныя выбары» і «Жыве Беларусь».
17:23 Марш пенсіянераў стаў разыходзіцца з плошчы Якуба Коласа. Людзі скандуюць: «Кожны панядзелак».
17:10 Марш пенсіянераў дайшоў да плошчы Якуба Коласа.
16:48 Студэнты Менскага лінгвістычнага ўніверсітэта вітаюць удзельнікаў Марша.
16:42 Тым часам Марш ужо дасягнуў плошчы Перамогі.
16:40 А валанцёры прывезлі ім ваду.
16:36 Дзяўчаты дораць кветкі ўдзельніцам Марша.
16:27 Удзельнікі Маршу каля цырка скандуюць: «Лукашэнку ў аўтазак!»
16:15 Паглядзіце, з якімі плакатамі выйшлі ўдзельнікі Марша на вуліцы Менска.
16:10 На Кастрычніцкай плошчы пенсіянеры сталі ў ланцуг салідарнасці.
16:05 КАЛОНА ДЭМАНСТРАНТАЎ ДАЙШЛА ДА ГУМА.
15:51 Каля будынку КДБ у Менску пенсіянеры скандуюць «Бабулі супраць АМАПу!»
15:49 Пенсіянеры скандуюць: «Пайшоў прэч, ты і твой АМАП» і «Караева пад суд». Колькасць удзельнікаў акцыі - 200 чалавек.
15:44 Калона пенсіянераў рухаецца праспектам Незалежнасці.
«Бабулі супраць гвалту!»