У Польшчы новы рэкорд заражэнняў каранавірусам

• 27.10.2020, 14:38

Папярэдні антырэкорд заражэнняў быў зафіксаваны ў мінулую пятніцу.

Міністэрства аховы здароўя Польшчы пацвердзіла ў аўторак 16 300 новых выпадкаў заражэння каранавірусам. Як паведамляе Charter97.org са спасылкай на інфармацыю польскага Міністэрства аховы здароўя, гэта самы высокі штодзённы паказчык з пачатку эпідэміі.

Варта адзначыць, што за апошнія дні памерлі 132 чалавекі.

Папярэдні антырэкорд заражэнняў быў зафіксаваны ў мінулую пятніцу. Тады польскае Міністэрства аховы здароўя зафіксавала 13 632 выпадкі заражэння.

Усяго ў Польшчы з пачатку пандэміі інфекцыя пацверджаная ў больш чым 280 000 чалавек. У рэанімацыі сёння знаходзяцца больш за тысячу чалавек.