Лукашэнка падліў сёння алею ў агонь
- ТЭЛЕГРАМ-КАНАЛ СЕРПОМПО
- 25.10.2020, 21:36
Ад прыпынення прадпрыемстваў і ўстаноў гранаты і гумовыя кулі не выратуюць.
Вайна нерваў у Беларусі трывае.
Сёння заканчваецца тэрмін народнага ультыматуму Лукашэнкі. У Менску зноў масавае шэсце. Больш за 200 тысяч чалавек. Пратэсты прайшлі і ў іншых гарадах Беларусі.
Паколькі Лукашэнка не збіраецца сыходзіць, і вызваляць захопленых людзей з турмаў, заўтра павінен распачацца агульнанацыянальны страйк.
Цяжка сказаць, наколькі маштабны ён будзе.
Але Лукашэнка падліў сёння алею ў агонь - яго падначаленыя ў Менску не вытрымалі і ў канцы масавага народнага шэсця, пачалі страляць у людзей святлогукавымі гранатамі. Затым бандыты ў масках зноў напалі на людзей.
Трэба меркаваць, што гэтыя дзеянні павялічаць колькасць ахвотных страйкаваць. Ад прыпынення прадпрыемстваў і ўстаноў гранаты і гумовыя кулі не выратуюць.
Тэлеграм-канал СерпомПо