У Празе стартавала кампанія ў падтрымку беларускіх герояў

• 24.10.2020, 10:55

Іх імёны з'явіліся на вялікіх білбордах у сталіцы Чэхіі.

У Празе стартавала кампанія #BelarusHeroes, прысвечаная беларускім палітвязням, паведамляе «Радыё Свабода».

На вялікіх білбордах з'явіліся фота палітыка Марыі Калеснікавай, блогера Ігара Лосіка і праваабаронцы Марфы Рабковай. Адна з мэтаў кампаніі – актывізаваць міжнародны рух за іх вызваленне.

Першыя білборды ў Празе з'явіліся дзякуючы падтрымцы чэшскага сенатара Вацлава Ласкі, які падарыў беларускім палітвязням сваю рэкламную плошчу, замоўленую для выбараў у Сенат.