Польшча створыць ільготныя ўмовы працоўным з Беларусі

• 21.10.2020, 10:07

Распачатыя беспрэцэдэнтныя крокі.

Паводле слоў дэпутата Сэйма Польшчы Міхала Шчэрбы, Польшча і Літва пайшлі на беспрэцэдэнтныя крокі для стварэння ільготных умоў рабочым з Беларусі.

Палітык падкрэсліў, што беларусам будуць выдавацца бясплатныя гуманітарныя візы, паведамляе партал polsha24.com.

За папраўкі ў законапраект, які дазволіць беларусам з гуманітарнымі візамі працаваць у Польшчы, павінны прагаласаваць 27 кастрычніка.