Выкрадзены адміністратар найбуйнейшага студэнцкага тэлеграм-канала Беларусі

• 2.10.2020, 19:01

Цяпер Ігар Кабушкаў знаходзіцца на допыце ў ГУБАЗіК.

Як мяркуецца, сёння раніцай супрацоўнікі карных органаў прыйшлі ў кватэру адміністратара найбуйнейшага студэнцкага тэлеграм-канала краіны «адлічылі» Ігара Кабушкава, дзе той знаходзіўся са сваёй дзяўчынай, паведамляе тэлеграм-канал «Беларусь галаўнога мозгу».

Пасля гэтага звязацца з дзяўчынай было немагчыма, сам Ігар пісаў, што «ўсё добра і што ён проста гутарыць з супрацоўнікамі міліцыі». З далейшых дзеянняў стала зразумела, што доступ да тэлефона, старонкі і канала «адлічылі» згублены.

Цяпер Ігар Кабушкаў знаходзіцца на допыце ў ГУБАЗіК.

Цяпер на канале невядомыя спрабуюць падрабіць стыль паведамленняў. Калі вы з'яўляецеся падпісчыкам «адлічылі» - пераканаўчая просьба, не дасылайце ім у на пошту фота ці відэа.