«Салідарнасць - гэта тое, што мы ўмеем лепш за ўсё»

• 19.10.2020, 10:44

Час падтрымаць палітвязняў.

Як паведамляе Telegram-канал «Баста!», менчукі з вуліцы Ангарская развесілі 93 сэрцайкі з імёнамі палітвязняў.

«У Беларусі 93 палітвязні. Смелых, добрых людзей, якія незаконна ўтрымліваюцца ў месцах пазбаўлення волі. Мы, жыхары Ангарскай, хочам перадаць словы падтрымкі ўсім родным і блізкім людзям, якія іх чакаюць. Мы іх таксама любім і вельмі чакаем на волі. А таксама мы хочам нагадаць усім, як важна пісаць ім лісты. Дашліце ім паштоўку або ліст са словамі падтрымай і любові. Бо салідарнасць - гэта тое, што мы ўмеем лепш за ўсё», - напісалі чытачы Telegram-канала.