Якім будзе надвор'е ў нядзелю

• 17.10.2020, 15:42

Прагноз сіноптыкаў.

18 кастрычніка адаб'ецца ўплыў атмасферных франтоў і халоднай няўстойлівай паветранай масы, піша сайт pogoda.by.

На большай частцы тэрыторыі кароткачасовыя ападкі, уначы на паўднёвым усходзе краіны працяглыя ападкі, месцамі моцныя (дождж, мокры снег). Вецер паўночны з пераходам на заходні, паўднёва-заходні парывісты, удзень на паўночным захадзе месцамі моцны парывісты. Тэмпература паветра мінімальная ўначы -3..+4°С, максімальная ўдзень +3..+9°С.

19 кастрычніка надвор'е ў краіне будзе фармаваць халодная няўстойлівая паветраная маса, якая паступае з паўночнага захаду Еўропы. Месцамі ў рэспубліцы кароткачасовыя ападкі (дождж, мокры снег). Вецер заходні, паўднёва-заходні парывісты, у асобных раёнах моцны парывісты. Тэмпература паветра мінімальная ўначы -2..+4°С, максімальная ўдзень +3..+10°С.