На «Беларуськаліі» ўтойваюць няшчасны выпадак?
- 16.10.2020, 17:47
Колькасць пацярпелых пакуль невядомая.
Стачкам салігорскага «Беларуськалію» паведаміў сайту Charter97.org аб няшчасным выпадку, які адбыўся 13 кастрычніка на Бярозаўскім рудніку. У машыны для перавозкі працаўнікоў МТ-353 падчас руху адмовілі тармазы і аўтамабіль рэзнуўся ў цалік (частка пакладу або пласта карыснага выкапня, якую пакідаюць некранутай пры распрацоўцы радовішча для аховы горных выпрацовак - заўв.).
Работнікі, якія знаходзіліся ў машыне, атрымалі траўмы рознай ступені цяжкасці. Па шчаслівай выпадковасці абышлося без сур'ёзных траўмаў і ахвяр. Колькасць пацярпелых пакуль невядомая.
Работнікі думалі, што чарговы няшчасны выпадак падштурхне кіраўніцтва прадпрыемства да замены аўтапарка шахты, але гэты аўтамабіль знаходзіцца цяпер на рамонце ў майстэрнях. Пасля рамонту яго зноў будуць эксплуатаваць.
Гэта не адзінкавы няшчасны выпадак з гэтай тэхнікай.
Нагадаем, што ў сакавіку гэтага года на «Беларуськаліі» адбыўся няшчасны выпадак з аналагічнай машынай. У выніку аварыі адзін чалавек загінуў, а сямёра атрымалі траўмы рознай ступені цяжкасці.