Тэрмін самаізаляцыі праз COVID-19 у Беларусі скарочаны да 10 дзён

• 13.10.2020, 20:16

Раней тэрмін самаізаляцыі складаў 14 дзён.

Тэрмін знаходжання на самаізаляцыі праз COVID-19 скарочаны ў Беларусі з 14 да 10 дзён, паведамляе interfax.by.

Дакументам «актуалізаваныя патрабаванні да захавання самаізаляцыі - тэрмін знаходжання ў самаізаляцыі скарочаны да 10 каляндарных дзён з даты апошняга кантакту. Людзям, якія знаходзяцца ў самаізаляцыі, дазволена ў выпадку крайняй неабходнасці наведваць арганізацыю аховы здароўя для атрымання экстраннай і (або) неадкладнай медыцынскай дапамогі», - гаворыцца у каментары.

Прадугледжваецца таксама пашырэнне пераліку асоб, на якіх не распаўсюджваюцца патрабаванне захавання самаізаляцыі, па прыбыцці з краін, у якіх рэгіструюцца выпадкі інфекцыі COVID-19. Гэта, між іншым, кіраўнікі і сябры афіцыйных дэлегацый; асобы, якія едуць па тэрыторыі Беларусі транзітам і маюць дакументы, якія пацвярджаюць выезд на працягу аднаго дня; беларусы і замежнікі, што пастаянна жывуць у Беларусі, якія прыбываюць з працоўных выпраў; асобы, якія перавозяць ствалавыя клеткі, органы для трансплантацыі.