Менчукі правялі акцыю «Жывая галерэя Цэслера»

• 1.10.2020, 16:10

Фотафакт.

Жыхары менскага квартала Ляхаўка - Кашары правялі акцыю «Жывая Галерэя Цэслера» ў двары дома, дзе знаходзіцца майстэрня мастака. Пазней асобныя працы з'явіліся каля аб'ектаў, якія ляглі ў аснову сюжэтаў, паведамляе тэлеграм-канал kyky_org.

Аўтары ініцыятывы падкрэсліваюць: «Калі ты моцны, ты можаш многае. Напрыклад, выгнаць мастака з краіны. Можаш забараніць ягоныя выставы. Але ў цябе ніколі не атрымаецца выгнаць любоў да мастака з сэрцаў людзей.

Мы хочам, каб Уладзімір Цэслер вярнуўся ў Беларусь, дзе б мог спакойна тварыць, а не баяцца за сваё жыццё. Мастацтва не патрабуе ахвяр!»