Польскі палітолаг пра дэфолт палітыкі Лукашэнкі: Гэта не крызіс, гэта - крах
- 1.10.2020, 12:46
Рэжым страціў значна больш, чым ён бачыць цяпер.
Знешняя палітыка рэжыму Лукашэнкі ў сітуацыі дэфолту.
Такое меркаванне выказаў польскі палітолаг, супрацоўнік варшаўскага Цэнтра ўсходніх даследаванняў Каміль Клысінскі.
Кажучы пра дэфолт беларускай замежнай палітыкі, Каміль Клысінскі прызнаў: «Гэта не крызіс стасункаў з Захадам. Гэта - крах».
Пры гэтым палітолаг назваў тры асноўныя страты Беларусі ад такога згортвання стасункаў.
Беларусь страціла замежную палітыку на заходнім кірунку, у тым ліку магчымасць выконваць ролю гаранта стабільнасці ў рэгіёне і праводзіць канферэнцыі «Менскага дыялогу», бо ніякага дыялогу няма.
Беларусь страціла поле для манэўру ў замежнай палітыцы.
Беларусь страціла свой імідж і давер інвестараў.
Гэтыя страты, можа быць, цяпер не заўважаюцца беларускімі ўладамі, але будуць мець вялікія наступствы для беларусаў.