«Яндэкс.Таксі» паабяцаў дапамагчы кіроўцу-герою, які выратаваў менчука ад спецназа

• 1.10.2020, 13:47

Сэрвіс адказаў на просьбу 30 тысяч беларусаў.

Сэрвіс «Яндэкс.Таксі» адказаў на петыцыю, у якой аўтар прасіў узнагародзіць мужчыну, які звёз удзельніка пратэстнай акцыі - 18-гадовага студэнта - ад сілавікоў.

«Ён [таксіст] заслугоўвае прызнання і ўдзячнасці. ...> Ён выратаваў яго не толькі ад затрымання, але і ад патэнцыйных катаванняў, фізічнага і маральнага ціску і яшчэ бог ведае ад чаго», - гаварылася ў звароце. Яго падпісалі 30 тысяч чалавек.

«Дзякуй за перажыванні пра кіроўцу, мы думаем, што ён ведае і вельмі ўзрушаны. Мы не ведаем, хто гэта быў - вызначыць нумар аўто з відэа немагчыма, а мяркуючы з паведамленняў у СМІ, кіроўца быў не на замове. Але мы будзем гатовыя дапамагчы яму, калі гэта спатрэбіцца», - запэўнілі ў «Яндэкс.Таксі».